+252638252025 srcpreuniversity@gmail.com
Register

Student Handbook

Home → Student Handbook

Ku soo dhawoow Buugga Shuruucda Ardayda SRC Pre-University.Boggan waxa ku qoran dhammaan shuruucda iyo nidaamyada ay waajib tahay in ardaydu raacayaan inta ay wax ka baranayaan SRC.Fadlan si taxaddar leh u akhri oo u hoggaansanow dhammaan xeerarkan.

📘 Shuruucda Fasax Qaadashada Ardayda

✅ 1. Tirada Fasaxyada La Ogol Yahay

  • Ardaygu semestar kasta waxa uu xaq u leeyahay in uu fasax qaato 3 jeer oo keliya.

📚 2. Waajibaadka Fasaxa

  • Haddii uu fasax qaato, ardaygu waa inuu:
    • Diyaariyaa casharrada uu ka maqnaa.
    • Raadsadaa caawimo haddii uu u baahdo (macallin ama saaxiib).

📝 3. Xafiiska Imtixaanaadka

  • Ardayga fasax qaatay xafiiska imtixaanadku wuxuu ka qaadikaraa imtixaan gaar ah (special exam).
  • Imtixaankan waxa laga diyaarinayaa casharradii uu maqnaa.
  • Ardayga laguma wargelinayo ogaysiis rasmi ah waqtiga imtixaanka.

👨‍🏫 4. Mas’uuliyadda Macalimiinta

  • Macalimiinta waxaa lafarayaan in ay
    • Su’aalaha ugu badan ka weydiiyaan ardaygii hore uga maqnaa hafasax qaato ama yaanu fasaxqaadane.
    • Ka hubiyaan in uu si dhab ah u soo diyaariyay wixii cashar ah ee uu ka maqnaa.

🚫 5. Maqnaanshaha Fasax La’aan

  • Haddii ardaygu maqnaado fasax  la’aan:
    • Cudur daar looma aqbali doono.
    • Waxa uu mutaysanayaa ganaax adag.

📲 6. Habka Fasax Qaadashada

  • Ardaygu waa inuu:
    • Fariin kusoo diro WhatsApp-ka 063-8252025.
    • Fariintaas ku xusaa:
      • 👤 Magaciisa oo saddexan.
      • 🏫 Fasalkiisa iyo waxa uu dhigto.
      • ✍️ Sababta uu fasax u qaadanayo.
  • Waqtiga codsiga:
    • Ugu badnaan: 3 saacadood ka hor xiisada.
    • Ugu yaraan: 1 saac ka hor xiisada .

❌ 7. Wixii Aan La Ogolayn

  • Lama ogola:
    • 📞 Soo wicitaan (phone call).
    • 🙍 Fasax qof kale la soo dhiibto.
    • 👨‍🏫 In macallin laga fasax qaato.
  • Habka kaliya ee la ogol yahay waa fariin WhatsApp ah.

⚠️ 8. Digniin Muhiim ah

  • Ha ku soo dirin fariinta WhatsApp Disappearing Messages (kuwa 24 saac kadib is tirtira).
  • Fariimaha noocaas ahi lama aqbali doono. Hadii fariintu is tirtirto waxaa loo qanoonsandoonaa maqnaashiyo bilaa fasax ah.
  • Xaadiriskiisa ardaygu saga masuulka ah hadii la qaldo xitaa haduu joogay wuxuu mutaysanayaa ganaaxa qofka maqnaa.

📌 SHURUUCDA LAB-KA KAAMBUYUUTARADA (COMPUTER LAB RULES)

🔴 QAYBTA 1: AMNIGA & ILAALINTA HANTIDA (MUHIIM UGU SARREYSA)

  1. ❌ Lama ogola in kaabuyuutarka laga saaro laabka fasax la’aan.
  2. ❌ Lama ogola in kursi ama qalab kale laga qaado laabka adoon macalin fasax ka haysan.
  3. ❌ Lama ogola in kaabuyuutarka booskiisa laga beddelo.
  4. ❌ Lama ogola in la geliyo flash/USB computer-ka.
  5. ❌ Waa inaad si sax ah u damisaa computer-ka marka aad dhamaysato shaqadaada.

🟠 QAYBTA 2: ISTICMAALKA SAXDA AH EE COMPUTER-KA

  1. ❌ Lama ogola in lagu ciyaaro game-yada (marka laga reebo kuwa waxbarasho ee kor u qaadaya xirfadda).
  2. ❌ Lama ogola in la daawado muuqaalo ka baxsan aqoonta technology-ga.
  3. Ardaygu waan uu fahmaa sida loo isticmaalo Laptop-ka iyo Desktop-ka labadaba waana ku waajib.

🟡 QAYBTA 3: ANSHAXA & HAB-DHAQANKA ARDAYGA

  1. ❌ Lama ogola hadal iyo sheeko cod dheer.
  2. ❌ Lama ogola in lagu fadhiisto xafiiska maamulka Labka ama Computer-Kiisa idam la’aan.
  3. ❌ Lama ogola in la gashado niqaam ama face mask gudaha laabka.

🟢 QAYBTA 4: NADAFAADDA & DEEGAANKA

  1. ❌ Lama ogola in la keeno cunto, cabitaan ama xanjo gudaha laabka.
  2. 🧼 Waa inaad nadiifisaa deegaankaaga waxbarasho (miiska iyo computer-ka).
  3. 🔄 Waa inaad ku celisaa qalab kasta meeshiisii marka aad isticmaasho.

🔵 QAYBTA 5: MAAMULKA XIISADDA & WAJIBAADKA ARDAYGA

  1. ⏰ Waa inaad wakhtigeeda ku timaadaa xiisadda.
  2. 💻 Waa inaad si buuxda u qaadataa practical-ka.
  3. ⌨️ 10-kii daqiiqo ee u dambeeya isticmaal Rapid Typing.
  4. ⚠️ Waa inaad macalinka ama maamulka u sheegtaa wixii cilad ah ee aad aragto.
  5. Labka makeenikaro ardaygu qof aan kadiiwaangashanayn SRC hadii ay taasi dhacdo ardaygu wuxuu qaadanayaa masuuliyada qaladka iyo ciqaabta ka dhalata.

🟣 WAXYAABAHA LA OGOL YAHAY

✔️ Ardaygu wuu duubi karaa muuqaalo la xiriira waxbarashadiisa (educational purposes only) isagoo u isticmaalaya Social media ama kayd sidookale ardaygu Labka wuxuu ku galikaraa sawiro waxaase waajib ah in labka uu iska nidaamiyo marka hore.

⚠️ CIQAAB & GANAAX

👉 Qofkii ku xadgudba shuruucdan wuxuu muteysanayaa:

  • Ganaax
  • Ka saarid ku meel gaar ah
  • Ama ciqaab kale oo adag oo maamulka go’aamiyo

XEERKA IYO SHURUUDAHA SCHOLARSHIP-KA SRC PRE-UNIVERSITY

Qodobka 1aad: Ujeeddo
Scholarship-ka SRC waxaa loo sameeyey in lagu taageero ardayda leh karti, dadaal, anshax wanaagsan iyo baahi dhaqaale, si ay u helaan fursad waxbarasho. Scholarship-ku waa mudnaan, mana aha xuquuq joogto ah.

QAYBTA 1: XUQUUQDA ARDAYGA SCHOLARSHIP-KA HELAY

Qodobka 2aad
Ardayga scholarship-ku wuxuu xaq u leeyahay:

  1. In laga dhaafo khidmadda waxbarashada sida ku cad boqolleyda scholarship-ka.
  2. In uu ka qaybgalo dhammaan casharrada iyo imtixaannada.
  3. In uu isticmaalo maktabadda, shaybaadhka iyo adeegyada SRC.
  4. In uu helo warqad ama caddeyn muujinaysa scholarship-kiisa.
  5. In uu codsado dib-u-eegis haddii scholarship-kiisa laga joojiyo.
  6. In si siman loola dhaqmo isaga iyo ardayda kale.
  7. In uu helo talo iyo hagid waxbarasho marka loo baahdo.

QAYBTA 2: WAAJIBAADKA ARDAYGA

Qodobka 3aad
Ardayga scholarship-ku waa inuu:

  1. Ilaaliyaa sumcadda SRC.
  2. Ixtiraamaa xeerarka iyo nidaamka machadka.
  3. Joogteeyaa fasallada ugu yaraan 90%.
  4. Ka qaybqaataa imtixaannada iyo shaqooyinka loo diro.
  5. Ilaaliyaa anshax, edeb iyo akhlaaq wanaagsan.
  6. Bixiyaa wixii kharash ah ee aan scholarship-ku daboolayn.
  7. Xafidaa hantida SRC.
  8. Ka fogaadaa wax kasta oo dhaawici kara magaca machadka.

QAYBTA 3: SHURUUDAHA SII HAYNTA SCHOLARSHIP-KA

Qodobka 4aad
Si scholarship-ku u sii socdo ardaygu waa inuu:

  1. Keenaa celcelis (Average) ugu yaraan 70%.
  2. Uusan ku dhicin wax maaddo ah.
  3. Joogitaankiisu ka badnaadaa 90%.
  4. Uusan gelin dacwad anshaxeed.
  5. Uusan si joogto ah uga maqnaan fasalka sabab la’aan.
  6. Uusan bixin xog been abuur ah markii uu codsanayey scholarship-ka.

QAYBTA 4: DIGNIINAHA

Qodobka 5aad
Khaladaadka fudud ee ugu horreeya waxaa lagu qaadi karaa:

  1. Digniin afka ah.
  2. Digniin qoraal ah.
  3. Hakinta scholarship-ka muddo kooban.
  4. La socod gaar ah muddo cayiman.

QAYBTA 5: QALADAADKA SABABI KARA IN SCHOLARSHIP-KA LA JOOJIYO

Qodobka 6aad
Scholarship-ka waxaa si toos ah ama go’aan guddi loogu joojin karaa haddii ardaygu:

  1. Ku dhaco hal ama in ka badan oo maaddooyin ah.
  2. Celceliskiisu ka hooseeyo 70%.
  3. Ka maqnaado fasalka in ka badan 10%.
  4. Sameeyo qish imtixaan.
  5. Been ka sheego dokumentiyo ama xogta codsiga.
  6. Ku lug yeesho dagaal ama rabshad.
  7. Caayo macallin, shaqaale ama arday kale.
  8. Burburiyo hanti SRC leedahay.
  9. Xado hanti ama qalab machadku leeyahay.
  10. Adeegsado mukhaadaraad ama waxyaabo maanka dooriya gudaha machadka.
  11. Faafiyo warar dhaawacaya sumcadda SRC.
  12. Sameeyo anshax-xumo
  13. Diido inuu u hoggaansamo go’aamada maamulka.

QAYBTA 6: KA NOQOSHADA SCHOLARSHIP-KA

Qodobka 7aad
Scholarship-ku si toos ah ayuu u baaba’ayaa haddii:

  1. Ardaygu waxbarashada ka baxo.
  2. Ardaygu codsado inuu ka tanaasulo.
  3. Ardaygu u wareego machad kale.
  4. Ardaygu jebiyo xeerarka muhiimka ah ee scholarship-ka.

📘 Shuruucda Re-Exam, Re-Course-ka iyo Natiijooyinka (SRC Pre-University)

🔹 1. Re-Exam

  • Re-Exam waa arday galay imtixaankii balse helay darajo ka hooseysa tii laga rabay, sidaas darteedna dib u galaya imtixaanka.
  • Ardayga Re-Exam-ka ah waa inuu yimaadaa maalinta imtixaanka loo qorsheeyo.
  • Lacag lagama qaadayo Re-Exam-ka.
  • Darajada ugu sarreysa ee ardaygu heli karo marka uu galo Re-Exam waa (B), xitaa haddii uu helo 100%.

🔹 2. Re-Course

  • Re-Course waa arday ka maqnaaday (jaray) maalintii imtixaanka, isla markaana aan gelin imtixaanka.
  • Ardaygaas waxaa laga doonayaa $10 course-kiiba si dib loogu siiyo fursad imtixaan.
  • Maadaama uusan hore u gelin imtixaanka, ardaygu wuxuu xaq u leeyahay dhammaan darajooyinka uu keeno.

🔹 3. Ka maqnaanshaha marar badan (Multiple Attempts)

  • Haddii ardaygu mar labaad ka maqnaado imtixaanka loo qorsheeyay:
    • Waxaa loo qabanayaa imtixaan mar saddexaad.
    • Qiimaha Re-Course-ku wuxuu noqonayaa $20 course-kiiba.
  • Arday laba jeer maqnaaday → $20
  • Arday mar dhacay, marna maqnaaday → $10 course-kiiba

🔹 4. Ka maqnaanshaha mar saddexaad

  • Haddii ardaygu ka maqnaado imtixaanka mar saddexaad:
    • Wuxuu luminayaa dhammaan xuquuqdiisa waxbarasho.
    • Ma heli karo:
      • Shahaado
      • Transcript
      • Testimonial Letter
      • Recommendation Letter
      • Iyo wixii la mid ah

🔹 5. Dib u gelitaanka imtixaan (Improvement Request)

  • Haddii ardaygu baaso imtixaanka balse rabo inuu mar labaad galo si uu u helo darajo ka sarreysa:
    • Waa inuu soo gudbiyaa warqad codsi ah oo uu u diro xafiiska imtixaanaadka.
    • Waa inuu bixiyo $10 (Re-Course fee).
    • Shuruud: darajadii hore waa inaysan ka sarreyn Grade D.

🔹 6. Qodobo Muhiim ah (Fiiro Gaar ah)

  • Arday kasta oo Re-Course u qoran waa inuu diyaar u noqdaa bixinta lacagta iyo gelitaanka imtixaanka waqtigiisa.
  • Wixii cabasho ah waa in lala xiriiraa xafiiska imtixaanaadka ka hor maalinta imtixaanka.
  • Ardayga Re-Exam-ka ah waa inuu si fiican isu diyaariyaa imtixaanka.

Siyaasadda Dib-u-Eegista Natiijada Imtixaanka

Ardayga aan ku qanacsanayn natiijada imtixaankiisa wuxuu xaq u leeyahay inuu ka codsado Xafiiska Imtixaanaadka in dib loogu eego laguna tuso qaabka loo saxay imtixaankiisa.

Shuruudaha Dib-u-Eegista

  • Ardaygu waa inuu bixiyo lacag dhan $5, taas oo ah kharashka dib-u-eegista imtixaanka.
  • Waa inuu soo qoro warqad rasmi ah oo uu ku caddeynayo inuusan ku qanacsanayn natiijada loo soo saaray.

Go’aanka Dib-u-Eegista

  • Haddii dib-u-eegista kadib la ogaado in ardayga laga qalday natiijada, islamarkaana uu xaq u leeyahay dhibco ka duwan kuwii hore:
    • Waxaa ardayga loo sixi doonaa natiijadiisa saxda ah.
    • Waxaa loo celin doonaa lacagtii $5 ahayd ee laga qaaday.
  • Haddii dib-u-eegista kadib la xaqiijiyo in natiijadii hore ay sax ahayd:
    • Lacagtii $5 ahayd looma celinayo ardayga.
    • Ardayga waxaa laga jarayaa 5 marks sababo la xidhiidha cabasho aan sax ahayn.

🔴 Gunaanad

  • Ardaydu waa inay si buuxda u fahmaan shuruucdan kahor gelitaanka imtixaanka.
  • U hoggaansanaanta shuruucdan waxay ka caawinaysaa ardayga inuu si habsami leh u dhammeeyo waxbarashadiisa.

SHURUUDAHA DALBASHADA SHAHAADADA ARDAYGA

  1. Ardayga dalbanaya shahaado waa inuu soo qorto warqad codsi rasmi ah, taas oo uu ku caddeynayo:
    • Inuu u baahan yahay shahaadadiisa.
    • Magaca uu doonayo in loogu qoro shahaadada.
    • Barnaamijka/koorsada uu dhammeystay.
  2. Marka ardaygu keeno warqadda codsiga xafiiska, wuxuu shahaadada sugi doonaa:
    • Ugu yaraan hal toddobaad.
    • Ugu badnaan hal bil, laga bilaabo maalinta uu codsiga soo gudbiyo.
  3. Ardayga shahaadada dalbanaya waa in:
    • Aan lagu lahayn wax imtixaan ah.
    • Aan lagu lahayn wax lacag ah.
    • Aanay jirin wax dembi ama arrin anshaxeed gaar ah oo lagu hayo.
  4. Haddii shahaadadu aysan ahayn tababar kooban oo ka yar hal bil, waxaa waajib ah inay lahaato dhammaan astaamaha xaqiijinta, sida:
    • Physical Security Features
    • Digital Security Features
    • QR Code verification ama nidaam kale oo lagu xaqiijin karo saxnaanta shahaadada.
  5. Haddii ardaygu shahaadadiisa lumiyo, waa inuu soo gudbiyaa:
    • Warqad nootaayo sharci ah oo uu ku dalbanayo in shahaado cusub loo sameeyo.
    • Lacagta shahaadada cusub, maadaama loo baahan yahay hab sharci ah si loo soo saaro shahaado labaad oo leh magac, kuliyad/barnaamij, iyo QR code isku mid ah.
  6. Waxaa si buuxda u reeban in qof kasta uu helo shahaado aanu aqoonteeda, tababarkeeda, ama waxbarashadeeda si rasmi ah u dhammeystiran.